Viktor Samúelsson, fæddur 1993 hefur afrekað heilmikið á þessu ári. Sigraði unglinga og drengjaflokk á stigum á Íslandsmótinu í mars, fékk silfur á Evrópumóti unglinga -105 kg í drengjaflokki, varð jafnframt stigahæstur unglinga og drengja á Bikarmótinu í nóvember og annar í opnum flokki!

Þessi snáði tók 300 kg. í réttstöðulyftu, 200 í bekkpressu og 270 í hnébeygju á árinu! sló fjölmörg íslandsmet í drengja, unglinga og opnum flokki.

Það er stolt okkar KFA manna, að eiga efnilegasta, sterkasta og sætasta unglinginn og er það okkar von að þessi piltur haldi áfram að rústa hinum krökkunum í sportinu. Árið 2011 skaraði Viktor Samúelsson framúr og er því í ár valinn Kraftlyftingamaður ársins!